Angliya terma jamoasi himoyachisi Jed Spens JCH-2026 doirasidagi 3-o‘rin uchun kechgan bahsda Fransiya ustidan qozonilgan g‘alabadan so‘ng bosh murabbiy Tomas Tuxelni qo‘llab-quvvatladi.
"Tuxelmi? Unda katta ishtiyoq seziladi. U ajoyib murabbiy, biz birgalikda juda muhim narsani yaratdik. U aytganidek, bu biz istagan natija emas, ammo bu katta olg‘a qadam, chunki bu 1966 yildan beri qayd etgan eng yaxshi natijamiz, demak, biz to‘g‘ri yo‘nalishda harakat qilmoqdamiz. Biz to‘rt yildan keyin uyga chempionlik kubogini olib kelishga umid qilamiz. Menimcha, biz bu turnirdan saboq chiqarishimiz kerak. Tanqidlarmi? Biz o‘zgalarning fikriga bog‘lanib qolmasligimiz lozim. Biz faqat o‘z ustimizda ishlashimiz va nazorat qila oladigan narsalarimizga diqqatni qaratishimiz kerak. Ha, aytganimizdek, yarim finaldagi natija xafsalamizni pir qildi, ammo bugun g‘alaba qozonib, ajoyib kayfiyat namoyish etdik", — deya Spensning so‘zlarini keltiradi tuttomercatoweb.com.
