Англия терма жамоаси ҳимоячиси Жед Спенс ЖЧ-2026 доирасидаги 3-ўрин учун кечган баҳсда Франция устидан қозонилган ғалабадан сўнг бош мураббий Томас Тухелни қўллаб-қувватлади.
"Тухельми? Унда катта иштиёқ сезилади. У ажойиб мураббий, биз биргаликда жуда муҳим нарсани яратдик. У айтганидек, бу биз истаган натижа эмас, аммо бу катта олға қадам, чунки бу 1966 йилдан бери қайд этган энг яхши натижамиз, демак, биз тўғри йўналишда ҳаракат қилмоқдамиз. Биз тўрт йилдан кейин уйга чемпионлик кубогини олиб келишга умид қиламиз. Менимча, биз бу турнирдан сабоқ чиқаришимиз керак. Танқидларми? Биз ўзгаларнинг фикрига боғланиб қолмаслигимиз лозим. Биз фақат ўз устимизда ишлашимиз ва назорат қила оладиган нарсаларимизга диққатни қаратишимиз керак. Ҳа, айтганимиздек, ярим финалдаги натижа хафсаламизни пир қилди, аммо бугун ғалаба қозониб, ажойиб кайфият намойиш этдик", — дея Спенснинг сўзларини келтиради tuttomercatoweb.com.
