Londonning «Chelsi» klubi sharafini himoya qilayotgan argentinalik vinger Alexandro Garnacho Angliyani tark etishi mumkin. Bu haqda insayder Fabrisio Romano ijtimoiy tarmoqlarda xabar berdi.

Manbaga ko‘ra, 22 yoshli futbolchi Italiya A Seriyasiga yo‘l olishga tayyor. Argentinalik futbolchi xizmatiga poytaxtning «Roma» klubi qiziqish bildirmoqda. «Bo‘rilar» rahbariyati Garnachoni kelgusi mavsum uchun 5 million yevro evaziga ijaraga olish va keyinchalik 35 million yevroga sotib olish huquqini rasmiylashtirishni rejalashtirmoqda.

Garnachoning o‘zi esa variantlar orasida «Roma»ga o‘tishni afzal ko‘rmoqda.

O‘tgan mavsumda Alexandro APLda «ko‘klar» safida 24 ta o‘yinda maydonga tushdi. U o‘z hisobiga bitta gol va to‘rtta assist yozdirib qo‘ydi.