Edin Jekoning «Shalke» bilan yangi shartnoma bo‘yicha muzokaralari boshi berk ko‘chaga kirib qoldi.

Bunga bosniyalik hujumchining tez-tez jarohat olishi, shuningdek, uning jamoadagi eng ko‘p maosh oluvchi futbolchilardan biri bo‘lish istagi sabab bo‘lmoqda.

Sport direktori Frank Baumann va Jeko yaqin orada yana bir bor uchrashishadi. Biroq tomonlar kelishuvga erisha oladimi yoki yo‘q, hozircha noma’lum.

Klubdagi og‘ir moliyaviy vaziyatni inobatga olgan holda, har bir katta shartnoma chuqur tahlil qilinishi kerak. Bundan tashqari, Jekoning o‘zi Bundesligadagi o‘yinlari uchun munosib moliyaviy talablarni ilgari surmoqda.

40 yoshli bosniyalik futbolchi 2026 yilning yanvaridan buyon «Shalke» safida to‘p suradi. U 11 ta uchrashuvda 6 ta gol urdi va 3 ta golli uzatmani amalga oshirdi.