Italiyaning «Lechche» klubi tarkibni kuchaytirishni orzu qilmoqda va Edinson Kavanini Yevropaga qaytishga ko‘ndirishga urinyapti.
Yaqinda urugvaylik faxriy futbolchi so‘nggi uch yil davomida to‘p surgan Argentinaning «Boka Xuniors» klubi bilan shartnomasini uzdi, biroq hozircha butsalarini mixga ilishga qaror qilgani yo‘q. «Lechche» rahbariyati allaqachon bu masala bo‘yicha Kavanining atrofidagilar bilan aloqaga chiqqan, deb xabar bermoqda Corriere del Mezzogiorno.
Kavani ilgari ham Italiya janubida yashagan va to‘p surgan — o‘shanda u «Napoli» sharafini himoya qilgan edi. Ammo u ancha kamtarroq ambisiyalarga ega bo‘lgan jamoa tarkibida chempionatga qaytishga jasorat qila oladimi — bu boshqa masala. Kavani faoliyati davomida «PSJ» va «Manchester Yunayted» kabi klublarda ham o‘ynagan.
