«Barselona» va Ispaniya terma jamoasining sobiq futbolchisi Nolito «Qizil furiya»ning hozirgi tarkibidagi futbolchilardan birortasi uni hayron qoldirdimi-yo‘qmi — shu haqdagi savolga javob berdi.

— Ushbu jahon chempionatida Ispaniya terma jamoasining qaysi futbolchisi sizni eng ko‘p hayron qoldirdi?

— Birortasi ham. Umuman hech kim hayron qoldirmadi. Men ularning hammasini taniyman, o‘yinlarini muntazam kuzatib boraman, ko‘p futbol ko‘raman va futbolchilarimizdan birortasi meni hayratda qoldirgani yo‘q.

Ispaniya terma jamoasining ko‘plab o‘yinchilari aql bovar qilmas darajani namoyish etishmoqda, boshqalari esa — biroz pastroq, lekin bu ham tabiiy hol. Ular ham inson, mavsum uzoq davom etdi va biz uning yakuniga yetib keldik. Ammo ularning o‘yinini tomosha qilish menga haqiqatan ham yoqadi. Rodri xuddi Pau Kubarsi kabi hayratlanarli darajada. Bu ikkisi meni lol qoldirmoqda va ularning o‘yinini tomosha qilish menga juda huzur bag‘ishlaydi.

— Sizni hatto Pedro Porroning o‘ng qanot himoyasidagi shiddatli chiqishi yoki Mark Kukurelyaning jahon chempionatida chap qanotdagi o‘yini ham hayron qoldirmadimi?

— Aslo. Kukurelya va Pedro Porro o‘z klublarida ajoyib mavsumni o‘tkazishdi. Men ularning uchrashuvlarini kuzataman — ikkalasi ham eng yuqori darajada, bu juda ajoyib. Kuni kecha ular fransuzdan ustun kelishdi, vaholanki Dembele va Olise ham elita futbolchilar hisoblanadi. Ular dahshatli o‘yin ko‘rsatishmoqda. Biz o‘z futbolchilarimizni ko‘proq qo‘llab-quvvatlashimiz kerak. Ular haqiqatan ham juda yaxshi, — deya Nolitoning so‘zlarini Tribal Football nashri Flashscore'ga tayanib keltirmoqda.