«Kristal Pelas» markaziy himoyachisi Maksans Lakrua faoliyatini katta ehtimol bilan «Chelsi»da davom ettiradi.
Klublar o‘rtasidagi muzokaralar yakuniy bosqichga yaqinlashmoqda. TEAMtalk xabarlariga ko‘ra, «aristokratlar» «burgutlar»ning talablarini deyarli qondirishgan. Bitimning taxminiy qiymati 55 million funt sterlingini (deyarli 65 million yevro) tashkil etadi.
Avvalroq «Chelsi» fransiyalik futbolchining o‘zi bilan kelishuvga erishgan edi. 26 yoshli markaziy himoyachi Xabi Alonso jamoasiga qo‘shilishni xohlaydi va klublar transferning barcha shartlarini kelishib olishini kutmoqda.
Maksans Lakrua «Kristal Pelas» safida jami 98 ta o‘yin o‘tkazib, to‘rt martadan gol urgan va golli uzatmani amalga oshirgan.
