«Manchester Yunayted» hujumchisi Markus Reshford jamoada qolishga tayyor, ammo ma’lum bir shart bajarilsa, boshqa variantlarni ham ko‘rib chiqishi mumkin.

Maykl Kerrik 28 yoshli futbolchini asosiy tarkibga qaytarishga va unga yana bir bor imkoniyat berishga qaror qildi. The Athletic ma’lumotlariga ko‘ra, Reshfordning o‘zi qolishni xohlaydi va boshqa hech bir ingliz klubiga o‘tishni rejalashtirmayapti, lekin xorijiy grandlardan takliflar tushsa, ularni ko‘rib chiqadi.

O‘tgan mavsumda Markus Reshford ijara asosida «Barselona» safida to‘p surgan edi. Kataloniyaliklar vingerni 30 million yevroga sotib olishdan voz kechdi, «qizil iblislar» esa boshqa shartlarga rozi bo‘lishmadi.