Arne Slot va Niderlandiya terma jamoasi shartnoma shartlari bo‘yicha bir to‘xtamga kela olishmayapti. Oldinroq «Liverpul»ning sobiq bosh murabbiyi milliy jamoada Ronald Kumanning o‘rnini egallashga asosiy nomzodlardan biri ekani xabar qilingan edi.
De Telegraaf jurnalisti Valentin Drissenning ma’lumotlariga ko‘ra, Slot va Niderlandiya Qirollik futbol uyushmasi (KNVB) o‘rtasida shartnoma muddati bo‘yicha kelishmovchiliklar yuzaga kelgan.
Murabbiy jamoani Yevro-2028 yakuniga qadar boshqarishga tayyor, ammo KNVB unga Niderlandiya terma jamoasini 2030 yilgi jahon chempionati oxirigacha boshqarishni taklif qilmoqda.
Drissenning so‘zlariga ko‘ra, agar Slot bilan shartnomani kelishishning imkoni bo‘lmasa, yoshlar terma jamoasini boshqarayotgan Mikael Raysiger Niderlandiya terma jamoasining bosh murabbiyiga aylanishi mumkin.
