Meksika terma jamoasining sobiq darvozaboni Gilyerme Ochoa 41 yoshida professional futbolchilik faoliyatiga yakun yasaganini ijtimoiy tarmoqlarda ma’lum qildi.
«Orzu meni shunchalik uzoqlarga olib borishini hatto tasavvur ham qilmaganman. Bugun ortga g‘urur bilan qarab, faqat bir narsani ayta olaman: rahmat. Oilamga rahmat. Jamoadoshlarimga rahmat. Yo‘limning har bir bosqichida meni qo‘llab-quvvatlagan barcha muxlislarga rahmat. Men millionlab insonlarning mehrini va Meksika uchun bor kuchimni berganim haqidagi ishonchni o‘zim bilan olib ketyapman. Biz boshdan kechirgan xotiralarni hech kim tortib ololmaydi. Barchangizga chin qalbimdan rahmat!» — deb yozdi Ochoa.
Gilyerme Ochoa Meksika terma jamoasi safida 154 ta uchrashuvda maydonga tushgan. Shuningdek, u milliy jamoa bilan oltita Jahon chempionatida ishtirok etgan.
