Мексика терма жамоасининг собиқ дарвозабони Гильерме Очоа 41 ёшида профессионал футболчилик фаолиятига якун ясаганини ижтимоий тармоқларда маълум қилди.
«Орзу мени шунчалик узоқларга олиб боришини ҳатто тасаввур ҳам қилмаганман. Бугун ортга ғурур билан қараб, фақат бир нарсани айта оламан: раҳмат. Оиламга раҳмат. Жамоадошларимга раҳмат. Йўлимнинг ҳар бир босқичида мени қўллаб-қувватлаган барча мухлисларга раҳмат. Мен миллионлаб инсонларнинг меҳрини ва Мексика учун бор кучимни берганим ҳақидаги ишончни ўзим билан олиб кетяпман. Биз бошдан кечирган хотираларни ҳеч ким тортиб ололмайди. Барчангизга чин қалбимдан раҳмат!» — деб ёзди Очоа.
Гильерме Очоа Мексика терма жамоаси сафида 154 та учрашувда майдонга тушган. Шунингдек, у миллий жамоа билан олтита Жаҳон чемпионатида иштирок этган.
