«Fenerbaxche» hujumchisi Meyson Grinvud ilk bor Istanbul klubi libosida maydonga tushdi. Bu seshanba oqshomida «Fener»ning o‘z maydonida Polshaning «Gurnik» klubiga qarshi o‘tkazilgan o‘yinida yuz berdi.
Grinvudning o‘zi golli harakatlar bilan ajralib turmadi, uning jamoasi esa o‘z ishqibozlari qarshisida Anderson Taliska tomonidan urilgan yagona gol evaziga 1:0 hisobida kichik g‘alabani qo‘lga kiritdi. Chempionlar Ligasining ikkinchi saralash bosqichi javob o‘yini bir haftadan so‘ng bo‘lib o‘tadi.
Eslatib o‘tamiz, Grinvud shu yozda «Marsel»dan «Fenerbaxche»ga ko‘chib o‘tgan edi. Istanbulliklar hujumchi uchun Fransiya klubiga taxminan 39 million yevro to‘ladi. Bungacha forvard o‘z faoliyati davomida «Manchester Yunayted» va «Xetafe» sharafini himoya qilgan.
