Madridning «Real» klubi yarim himoyachisi Eduardu Kamavinga Angliyaning «Manchester Yunayted» klubi manfaatlari doirasiga tushib qoldi. Bu haqda jurnalist Nikolo Skira X ijtimoiy tarmog‘ida xabar berdi.
«Manchester Yunayted» «Real»ning «qaymoqranglilar» uchun endilikda daxlsiz hisoblanmaydigan yarim himoyachisi Eduardo Kamavingaga qiziqish bildirdi», — deb yozdi Skira.
2025/2026 yilgi Ispaniya La Ligasi mavsumida 23 yoshli Eduardu Kamavinga 29 ta o‘yin o‘tkazib, 1 ta gol urishga erishdi. Shuningdek, uning hisobida Chempionlar ligasida 11 ta o‘yin, 1 ta gol va 1 ta golli uzatma mavjud. Transfermarkt bahosiga ko‘ra, futbolchining bozor qiymati 50 million yevroni tashkil etadi.
