«Barselona» Xulian Alvares transferini oxiriga yetkaza olishiga ishonmoqda. Bu haqda Marca nashri xabar bermoqda.

«Atletiko» hujumchini sotishdan bosh tortotganiga qaramay, Kataloniya klubi tanlangan bosim va kutish taktikasi tez orada o‘z samarasini beradi deb hisoblamoqda.

«Barsa» rahbariyati futbolchining o‘zi tomonidan qilinadigan bosim hal qiluvchi rol o‘ynashi mumkinligini taxmin qilmoqda. Manbaning xabariga ko‘ra, Alvares 10 avgust kuni jamoaning ilk mashg‘ulotiga chiqmaslik variantini jiddiy ko‘rib chiqmoqda.

Argentinalik futbolchining «Barselona»ga o‘tish istagidan tashqari, 100 million yevrolik taklifning vaqt jihatdan cheklangani ham klub tomonidan bosim o‘tkazish quroli sifatida qo‘llanilmoqda. «Barselona» vaqt o‘tishi bilan «Atletiko» baribir yon berishiga amin.

Madrid klubi esa hamon qat’iy pozisiyani egallab turibdi va o‘yinchini sotishni rad etmoqda.