«Барселона» Хулиан Альварес трансферини охирига етказа олишига ишонмоқда. Бу ҳақда Marca нашри хабар бермоқда.

«Атлетико» ҳужумчини сотишдан бош тортотганига қарамай, Каталония клуби танланган босим ва кутиш тактикаси тез орада ўз самарасини беради деб ҳисобламоқда.

«Барса» раҳбарияти футболчининг ўзи томонидан қилинадиган босим ҳал қилувчи роль ўйнаши мумкинлигини тахмин қилмоқда. Манбанинг хабарига кўра, Альварес 10 август куни жамоанинг илк машғулотига чиқмаслик вариантини жиддий кўриб чиқмоқда.

Аргентиналик футболчининг «Барселона»га ўтиш истагидан ташқари, 100 миллион евролик таклифнинг вақт жиҳатдан чеклангани ҳам клуб томонидан босим ўтказиш қуроли сифатида қўлланилмоқда. «Барселона» вақт ўтиши билан «Атлетико» барибир ён беришига амин.

Мадрид клуби эса ҳамон қатъий позицияни эгаллаб турибди ва ўйинчини сотишни рад этмоқда.