Xalqaro sport matbuoti assosiasiyasi (AIPS) talqiniga ko‘ra Argentina terma jamoasi sardori Lionel Messi 2026 yilgi jahon chempionatining eng yaxshi o‘yinchisi deb topildi.
So‘rovnomada 121 mamlakatdan 472 nafar reportyor ishtirok etdi. Ovoz berish yakunlariga ko‘ra, 39 yoshli argentinalik futbolchi 1179 ball to‘pladi. Messi turnirni 8 ta gol bilan yakunladi va mundialning eng yaxshi to‘purarlari ro‘yxatida ikkinchi o‘rinni egalladi.
Ikkinchi o‘rinni 717 ball to‘plagan fransiyalik Kilian Mbappe egalladi. Hujumchi 10 ta gol urib, turnirning eng yaxshi to‘purariga aylandi.
Uchinchi pog‘onadan Angliya terma jamoasi yarim himoyachisi Jud Bellingem joy oldi (470 ball).
To‘rtinchi o‘rinni norvegiyalik Erling Xoland (460), beshinchi o‘rinni esa ispaniyalik Lamin Yamal (304) egalladi. Turnirning eng yaxshi o‘yinchisi deb topilgan ispaniyalik Rodri ovoz berishda oltinchi (285), Kabo-Verde terma jamoasi darvozaboni Vozinya esa yettinchi (189) bo‘ldi.
Onlikni Angliya terma jamoasi a’zosi Garri Keyn (130), ispaniyalik Mikel Oyarsabal (118) va fransiyalik Maykl Olise (91) yakunlab berishdi.
2026 yilgi jahon chempioni unvonini finalda Argentinani mag‘lub etgan (1:0) Ispaniya terma jamoasi qo‘lga kiritdi.
