«Pari Sen-Jermen» vingeri Bredli Barkola shu yozda Angliyaga yo‘l olishi mumkin.

Fransiyalik futbolchiga «Arsenal» va «Liverpul» asosiy da’vogarlar hisoblanmoqda. Insayder Fabrisio Romanoning ma’lumotlariga ko‘ra, mersisaydliklar 23 yoshli futbolchini sotib olish bo‘yicha faolroq ish olib borishmoqda.

«Barkola PSJda «teginilmas» o‘yinchi hisoblanmaydi. Ko‘pchilik «Arsenal» haqida so‘ramoqda, ammo mening ma’lumotlarimga ko‘ra, «Liverpul»ning qiziqishi juda yuqori va ular so‘nggi vaqtlarda muzokaralarda ancha ilgarilab ketishdi», — deydi mashhur transfer eksperti.

Transfermarkt mutaxassislari tomonidan Bredli Barkolaning bozor qiymati 90 million yevroga baholanmoqda.