«Manchester Yunayted» va Irlandiya terma jamoasining sobiq kapitani Roy Kin «Arsenal»ning sobiq hujumchisi Ian Rayt hamda «Manchester Yunayted» sobiq futbolchisi Gari Nevill bilan birgalikda Lionel Messining futbol tarixidagi o‘rnini muhokama qildi.
Nevill: «Biz endi Messini Pele va Maradonadan ustun qo‘ya olamizmi? Sodir bo‘lgan shuncha voqealardan so‘ng buni boshlash mumkinmi?»
Kin: «Ha, lekin u baribir Ronaldu darajasiga yetmaydi».
Nevill: «Menimcha, biz hali uni bu shohsupaga ko‘tarishga tayyor emasmiz».
Yuqoridagi muloqot The Overlap shousi doirasida bo‘lib o‘tdi. Roy Kin o‘z javobidan so‘ng kulib yubordi.
Yakunlangan Jahon chempionatida Messi 8 ta gol va 4 ta golli uzatmaga mualliflik qildi.
Dunyo birinchiligi davomida Lionel barcha futbolchilar orasida birinchi bo‘lib Jahon chempionatlaridagi gollari sonini 20 tadan oshirdi, shuningdek, turnir tarixida eng yaxshi assistent va o‘yinlar soni bo‘yicha rekordchiga aylandi.
