«Liverpul» bosh murabbiyi Andoni Iraola jamoa yarim himoyachisi Aleksis Mak Allisterning kelajagi haqida o‘z fikrini bildirdi. Avvalroq matbuotda argentinalik futbolchiga Madridning «Real» va «Atletiko» klublari tomonidan qiziqish borligi haqida xabarlar tarqalgan edi.

«Menimcha, Aleksis o‘tgan yili klubning eng yaxshi o‘yinchilaridan biri bo‘ldi va Jahon chempionatida ham o‘zini a’lo darajada ko‘rsatdi. Boshqa jamoalarning eng yaxshi futbolchilarimizni o‘z safida ko‘rishni istashi tabiiy hol, bu hamisha sodir bo‘ladi. Lekin men, boshqa klublarda bo‘lgani kabi, o‘z o‘yinchilarimni saqlab qolishni xohlayman. Ehtimol, men mavjud futbolchilardan ko‘ra, yangi o‘yinchilar bilan shartnoma imzolanishini ko‘proq kutayotgandirman», — dedi Iraola ESPN nashriga.

Ortda qolgan mavsumda 27 yoshli Mak Allister barcha musobaqalarda 55 ta o‘yinda maydonga tushib, 5 ta gol va 7 ta golli uzatmaga mualliflik qildi. Transfermarkt portalidagi ma’lumotga ko‘ra, futbolchining bozor qiymati 70 million yevroni tashkil etadi.