«Xall Siti» o‘z tarkibini himoyachi Mett Targett bilan to‘ldirdi. Kelishuv yana bir mavsumga uzaytirish opsiyasi bilan ikki mavsumga mo‘ljallangan.
30 yoshli angliyalik futbolchining avvalgi jamoasi «Nyukasl» edi. Ushbu klubni tark etgach, u erkin agentga aylangandi.
Targett Premyer-ligada «Sautgempton», «Aston Villa» va «Nyukasl Yunayted» jamoalarida to‘p surgan, 2025/2026 yilgi mavsumni esa ijara asosida Chempionshipda — «Midlsbro» safida o‘tkazgan. U 46 ta o‘yinda maydonga tushib, 4 ta gol urgan va 4 ta golli uzatmaga mualliflik qilgan.
Transfermarkt o‘yinchining transfer qiymatini 3 million yevroga baholamoqda.
