«Халл Сити» ўз таркибини ҳимоячи Мэтт Таргетт билан тўлдирди. Келишув яна бир мавсумга узайтириш опцияси билан икки мавсумга мўлжалланган.
30 ёшли англиялик футболчининг аввалги жамоаси «Ньюкасл» эди. Ушбу клубни тарк этгач, у эркин агентга айланганди.
Таргетт Премьер-лигада «Саутгемптон», «Астон Вилла» ва «Ньюкасл Юнайтед» жамоаларида тўп сурган, 2025/2026 йилги мавсумни эса ижара асосида Чемпионшипда — «Мидлсбро» сафида ўтказган. У 46 та ўйинда майдонга тушиб, 4 та гол урган ва 4 та голли узатмага муаллифлик қилган.
Transfermarkt ўйинчининг трансфер қийматини 3 миллион еврога баҳоламоқда.
