Superog‘ir vazn toifasida WBC, WBO, IBO, WBA Super, The Ring, IBF talqinlari bo‘yicha sobiq jahon chempioni, britaniyalik Tayson Fyuri (35-2-1, 24 KO) va Polsha vakili Mariush Vax (39-13, 20 KO) 24 iyul kuni Pattayyadagi (Tailand) «Maks Muay Tay Stedium» stadionida bo‘lib o‘tadigan jang oldidan vazn o‘lchash marosimidan muvaffaqiyatli o‘tishdi.
Bunda Tayson professional faoliyatida ilk bor o‘z raqibidan yengilroq ekani ma’lum bo‘ldi. Fyuri tarozida 120,2 kg ko‘rsatkichni qayd etgan bo‘lsa, Mariush 132,18 kg tosh bosdi.
Tayson 37 yoshda. Fyuri professional bokschi sifatida 2008 yilning dekabrida debyut qilgan. Polsha vakili esa 46 yoshda bo‘lib, professional ringdagi debyutini 2005 yilning aprelida o‘tkazgan.
