Супероғир вазн тоифасида WBC, WBO, IBO, WBA Super, The Ring, IBF талқинлари бўйича собиқ жаҳон чемпиони, британиялик Тайсон Фьюри (35-2-1, 24 KO) ва Польша вакили Мариуш Вах (39-13, 20 KO) 24 июль куни Паттайядаги (Таиланд) «Макс Муай Тай Стэдиум» стадионида бўлиб ўтадиган жанг олдидан вазн ўлчаш маросимидан муваффақиятли ўтишди.
Бунда Тайсон профессионал фаолиятида илк бор ўз рақибидан енгилроқ экани маълум бўлди. Фьюри тарозида 120,2 кг кўрсаткични қайд этган бўлса, Мариуш 132,18 кг тош босди.
Тайсон 37 ёшда. Фьюри профессионал боксчи сифатида 2008 йилнинг декабрида дебют қилган. Польша вакили эса 46 ёшда бўлиб, профессионал рингдаги дебютини 2005 йилнинг апрелида ўтказган.
