Tyago Almada Braziliya chempionatiga o‘tishga yaqin turibdi.

As nashri xabariga ko‘ra, «Flamengo» va «Atletiko» o‘rtasidagi muzokaralar yakuniy bosqichga kirgan. Yarim himoyachi bilan shartnoma shartlari allaqachon kelishib olingan. Transfer yaqin kunlarda amalga oshishi kutilmoqda.

Manbalarning ta’kidlashicha, Almada taxminan 27 million yevro evaziga sotib olinadi va 2030 yilgacha mo‘ljallangan shartnomaga imzo chekadi. Hozirda klublarga faqat to‘lovlarni amalga oshirish muddatlarini kelishib olish qolgan, xolos.