Тьяго Альмада Бразилия чемпионатига ўтишга яқин турибди.

As нашри хабарига кўра, «Фламенго» ва «Атлетико» ўртасидаги музокаралар якуний босқичга кирган. Ярим ҳимоячи билан шартнома шартлари аллақачон келишиб олинган. Трансфер яқин кунларда амалга ошиши кутилмоқда.

Манбаларнинг таъкидлашича, Альмада тахминан 27 миллион евро эвазига сотиб олинади ва 2030 йилгача мўлжалланган шартномага имзо чекади. Ҳозирда клубларга фақат тўловларни амалга ошириш муддатларини келишиб олиш қолган, холос.