«Liverpul» 2027 yilning yozida Vinisius Juniorni erkin agent maqomida jamoaga olib kelish imkoniyatini ko‘rib chiqmoqda, deb xabar berdi jurnalist Ramon Alvares de Mona X ijtimoiy tarmog‘ida.
Manbaning ma’lumotiga ko‘ra, 26 yoshli braziliyalik futbolchi atrofidagi vaziyatni nafaqat «Liverpul», balki «Bavariya» va «PSJ» ham diqqat bilan kuzatib bormoqda.
2025/26 yilgi mavsumda Vinisius barcha musobaqalarda 53 ta o‘yinda maydonga tushib, 22 ta gol urdi va 14 ta golli uzatmani amalga oshirdi. JCH-2026 da esa braziliyalik vinger 5 ta o‘yinda 4 ta gol urib, 1 ta golli uzatmaga mualliflik qildi.
