«Ливерпуль» 2027 йилнинг ёзида Винисиус Жуниорни эркин агент мақомида жамоага олиб келиш имкониятини кўриб чиқмоқда, деб хабар берди журналист Рамон Альварес де Мона X ижтимоий тармоғида.

Манбанинг маълумотига кўра, 26 ёшли бразилиялик футболчи атрофидаги вазиятни нафақат «Ливерпуль», балки «Бавария» ва «ПСЖ» ҳам диққат билан кузатиб бормоқда.

2025/26 йилги мавсумда Винисиус барча мусобақаларда 53 та ўйинда майдонга тушиб, 22 та гол урди ва 14 та голли узатмани амалга оширди. ЖЧ-2026 да эса бразилиялик вингер 5 та ўйинда 4 та гол уриб, 1 та голли узатмага муаллифлик қилди.