«Milan» vingeri Rafael Leau keyingi faoliyati borasidagi savolga javob qaytardi. Yaqinda matbuotda portugaliyalik futbolchiga «Fenerbaxche» va «Galatasaroy» klublari tomonidan qiziqish bo‘layotgani va u faoliyatini Turkiyada davom ettirishi mumkinligi haqida xabarlar paydo bo‘lgan edi.
«Klub rahbariyati bilan yangi chorlovda o‘zimni sinab ko‘rish imkoniyati haqida gaplashdim, ammo bu sodir bo‘ladimi-yo‘qmi — hozircha bilmayman. 29 iyul kuni jamoa qarorgohiga yetib borishim kerak. Hozircha «Milan» o‘yinchisiman. Maydonda bor kuchimni beraman va menga juda ko‘p narsa taqdim etgan ushbu klub libosini hurmat qilaman», — dedi Leau Podpah podkastida.
27 yoshli hujumchi 2019 yildan beri «rossoneri» sharafini himoya qilib kelmoqda. Uning «Milan» bilan amaldagi shartnomasi tugashiga yana ikki mavsum bor.
