«Милан» вингери Рафаэл Леау кейинги фаолияти борасидаги саволга жавоб қайтарди. Яқинда матбуотда португалиялик футболчига «Фенербахче» ва «Галатасарой» клублари томонидан қизиқиш бўлаётгани ва у фаолиятини Туркияда давом эттириши мумкинлиги ҳақида хабарлар пайдо бўлган эди.
«Клуб раҳбарияти билан янги чорловда ўзимни синаб кўриш имконияти ҳақида гаплашдим, аммо бу содир бўладими-йўқми — ҳозирча билмайман. 29 июль куни жамоа қароргоҳига етиб боришим керак. Ҳозирча «Милан» ўйинчисиман. Майдонда бор кучимни бераман ва менга жуда кўп нарса тақдим этган ушбу клуб либосини ҳурмат қиламан», — деди Леау Podpah подкастида.
27 ёшли ҳужумчи 2019 йилдан бери «россонери» шарафини ҳимоя қилиб келмоқда. Унинг «Милан» билан амалдаги шартномаси тугашига яна икки мавсум бор.
