Braziliya milliy terma jamoasi bosh murabbiyi Karlo Anchelotti o‘z lavozimida ishini davom ettiradi. Bu haqda taniqli insayder Fabrisio Romano o‘zining ijtimoiy tarmoqlardagi sahifalarida xabar bergan.
Manbaga ko‘ra, 67 yoshli italiyalik mutaxassis braziliyaliklarni 2028-yilgi Amerika Kubogi va 2030-yilgi Jahon chempionatiga qadar boshqarishni rejalashtirmoqda.
Ma’lumot uchun, Anchelotti jamoani 2025-yilning may oyida qabul qilib olgan edi. U ushbu Jahon chempionati boshlanishidan avvalroq Braziliya futbol konfederasiyasi bilan amaldagi shartnomasini 2030-yilgacha uzaytirgan. Eslatib o‘tamiz, braziliyaliklar mundialning 1/8 finalida Norvegiyaga 1:2 hisobida imkoniyatni boy berdi va so‘nggi 36 yil ichida ilk bor musobaqaning chorak finaliga chiqa olmadi.
Shuningdek, ommaviy axborot vositalari tarqatgan xabarlarga ko‘ra, avvalroq Italiya futbol federasiyasi Anchelottiga o‘z milliy terma jamoasini tayyorlash taklifi bilan chiqqan. Biroq murabbiy bu variantni rad etgan.
