«Kristal Pelas» markaziy himoyachi Maksans Lakruaning «Chelsi»ga o‘tganini rasman e’lon qildi.

26 yoshli fransuz 2024 yilning avgustida «Volfsburg»dan ko‘chib o‘tganidan beri London klubi sharafini himoya qilib kelayotgan edi. Ikki mavsum davomida Lakrua 98 ta o‘yinda maydonga tushib, 4 ta gol urdi va jamoasining 31 ta o‘yinda o‘z darvozasi daxlsizligini saqlab qolishiga yordam berdi.

«Kristal Pelas» tarkibida himoyachi Angliya Kubogi, Angliya Superkubogi va Konferensiyalar Ligasida g‘olib chiqdi. O‘tgan mavsumda u jamoaning vise-sardoriga ham aylangan edi.

Lakruaning barqaror o‘yini unga shu yilning mart oyida ilk bor Fransiya terma jamoasidan chaqiruv olish imkonini berdi. Himoyachi fransuzdar yarim finalgacha yetib borgan Jahon chempionatida 3 ta o‘yinda maydonga tushdi.

Transfermarkt ma’lumotlariga ko‘ra, transfer summasi 60,7 million yevroni tashkil etdi.