«Chelsi»ning yangi a’zosi Maksans Lakrua London klubiga ko‘chib o‘tgani haqida o‘z fikrlarini bildirib o‘tdi.

«O‘ylashimcha, bu men uchun eng yaxshi qadam bo‘ldi, chunki bu dunyodagi eng yaxshi klub. Men Malo Gyusto, Trevo Chaloba va Benua Badiashil bilan gaplashdim. Odamlarning bu klub haqida ijobiy fikr bildirishlari juda oson, chunki «Chelsi» katta tarixga ega. Endilikda ushbu tarixning bir qismiga aylanganimdan juda faxrlanaman.

Murabbiy bilan telefonda gaplashdim. Biz taktika va uning o‘yinni qanday ko‘rayotgani haqida suhbatlashdik. Eng avvalo, u bilan futbol haqida shunchaki gaplashganimdan xursand bo‘ldim va klubga nisbatan maqsadlarimiz hamda xohishlarimiz bir xil ekanini ko‘rdim.

Murabbiy hamda terma jamoadagi «Chelsi»da o‘ynaydigan sheriklarim, masalan, Malo bilan gaplashganimda, ular menga bu men o‘tishim mumkin bo‘lgan eng yaxshi klub ekanini aytishdi. Shu sababli «Keling, ko‘p o‘ylab o‘tirishim shart emas» deb aytdim. Bu insonlar bilan muloqotdan so‘ng o‘zimga: «Bu faoliyatimdagi eng yaxshi oldinga tashlangan qadam bo‘ladi», dedim», — dedi Lakrua «Chelsi» matbuot xizmatiga bergan intervyusida.

Eslatib o‘tamiz, Lakrua «Chelsi» bilan 2032 yilning 30 iyunigacha mo‘ljallangan shartnomaga imzo chekdi. Fransiyalik himoyachining transfer summasi 61 million yevroni (taxminan 52 mln funt) tashkil etdi.