«Roma» argentinalik hujumchi Santyago Kastroning transferini rasman e’lon qildi. Avvalroq kelishuv summasi 35 million yevroni tashkil etishi va qo‘shimcha bonuslar ko‘zda tutilgani xabar qilingan edi. Shuningdek, «Bolonya» futbolchining keyingi qayta sotuvi summasidan 10% ulush oladi.
««Roma» Santyago Tomas Kastroning «Bolonya»dan o‘tganini e’lon qilishdan mamnun. Kelishuv to‘liq xarid shaklida yakunlandi.
2004 yilda tug‘ilgan hujumchi «Bolonya» va «Veles Sarsfild» liboslarini kiygan. «Rossoblyu» safida u 105 ta o‘yinda maydonga tushib, 22 ta gol urgan.
U 9-raqamli libosni tanladi. Rimga xush kelibsan, Santyago!» — deyiladi «Roma»ning rasmiy xabarida.
