«Рома» аргентиналик ҳужумчи Сантьяго Кастронинг трансферини расман эълон қилди. Аввалроқ келишув суммаси 35 миллион еврони ташкил этиши ва қўшимча бонуслар кўзда тутилгани хабар қилинган эди. Шунингдек, «Болонья» футболчининг кейинги қайта сотуви суммасидан 10% улуш олади.

««Рома» Сантьяго Томас Кастронинг «Болонья»дан ўтганини эълон қилишдан мамнун. Келишув тўлиқ харид шаклида якунланди.

2004 йилда туғилган ҳужумчи «Болонья» ва «Велес Сарсфилд» либосларини кийган. «Россоблю» сафида у 105 та ўйинда майдонга тушиб, 22 та гол урган.

У 9-рақамли либосни танлади. Римга хуш келибсан, Сантьяго!» — дейилади «Рома»нинг расмий хабарида.