"Portu" hujumkor yarim himoyachisi Rodrigu Mora "PSJ"ga o‘tmaydi. Fransiya klubi 19 yoshli vunderkindga jiddiy qiziqish bildirgan edi; yaqinda parijliklar vakillari hatto agent Jorje Mendesh bilan potensial transferni muhokama qilish uchun uchrashishdi. Jurnalist Santi Aunaning so‘zlariga ko‘ra, "PSJ" oxir-oqibat futbolchini qo‘lga kiritishdan bosh tortdi. Bu yozda kelishuvga erishilmasligi aniq.
"Barselona", "Real Madrid" va Premyer-liga gigantlari ham Rodrigu Mora uchun potensial da’vogarlar sifatida tilga olingan. Uning Transfermarktdagi narxi 38 million yevroni tashkil qiladi. O‘tgan mavsumda portugaliyalik "ajdarlar" safida 44 ta o‘yinda beshta gol urdi va ikkita golli uzatmani amalga oshirdi.
