Payshanba kuni Milanning «Inter» klubi Angliya terma jamoasi markaziy himoyachisi Jon Stouns bilan ikki yillik shartnoma imzolanganini e’lon qildi. U Italiya klubiga erkin agent sifatida kelib qo‘shildi. 32 yoshli futbolchining transferiga «neradzurri» bosh murabbiyi Kristian Kivu sharh berib o‘tdi.

«Stounsning kelishidan mamnunman – u ko‘plab jihatlari bilan biz uchun muhim. Uning mahorati, individualligi va xarizmasi sababli. U himoyamiz darajasini yanada oshiradi», — deya ruminiyalik mutaxassisning so‘zlarini keltiradi jurnalist Daniyele Mari.

Ushbu yozda Stouns mehnat shartnomasi muddati tugagani munosabati bilan «Manchester Siti»ni tark etdi. Himoyachi «shaharliklar» safida 10 yil o‘tkazdi. Angliya chempionatining o‘tgan mavsumida futbolchi 9 ta o‘yinda maydonga tushgan edi.