Пайшанба куни Миланнинг «Интер» клуби Англия терма жамоаси марказий ҳимоячиси Жон Стоунс билан икки йиллик шартнома имзоланганини эълон қилди. У Италия клубига эркин агент сифатида келиб қўшилди. 32 ёшли футболчининг трансферига «нерадзурри» бош мураббийи Кристиан Киву шарҳ бериб ўтди.

«Стоунснинг келишидан мамнунман – у кўплаб жиҳатлари билан биз учун муҳим. Унинг маҳорати, индивидуаллиги ва харизмаси сабабли. У ҳимоямиз даражасини янада оширади», — дея руминиялик мутахассиснинг сўзларини келтиради журналист Даниеле Мари.

Ушбу ёзда Стоунс меҳнат шартномаси муддати тугагани муносабати билан «Манчестер Сити»ни тарк этди. Ҳимоячи «шаҳарликлар» сафида 10 йил ўтказди. Англия чемпионатининг ўтган мавсумида футболчи 9 та ўйинда майдонга тушган эди.