«Galatasaroy» hujumkor yarim himoyachi qidiruvida e’tiborini Rossiya bozoriga qaratdi. Bu haqda tureskiy jurnalist, Sportcell insayderi Safa Kaan Oztyurk X ijtimoiy tarmog‘ida xabar berdi.

Manba ma’lumotiga ko‘ra, Istanbul klubi 21 yoshli yarim himoyachi Aleksey Batrakovning transferi bo‘yicha Moskvaning «Lokomotiv» klubi bilan rasmiy muzokaralarni boshlagan.

Qayd etilishicha, ayni damda rossiyalik futbolchining nomzodi «Galatasaroy» tomonidan «Strasburg» yarim himoyachisi Xulio Ensiso variantiga qaraganda muhimroq va ustuvorroq deb hisoblanmoqda.

Batrakov o‘tgan mavsumda «temiryo‘lchilar» safida barcha musobaqalarda 36 ta o‘yinda maydonga tushib, 17 ta gol urdi va 12 ta golli uzatmaga mualliflik qildi. Futbolchining klub bilan amaldagi shartnomasi 2029 yilgacha mo‘ljallangan. Transfermarkt portali Alekseyning transfer qiymatini 28 million yevroga baholamoqda.