«Bavariya» «PSJ» hujumchisi Bredli Barkolaning «Liverpul»ga o‘tishi mumkinligi bilan bog‘liq vaziyatni kuzatib bormoqda. Myunxen klubi futbolchiga qiziqish bildirmoqda va uning kelajakdagi rejalarini bilish maqsadida aloqaga chiqishga harakat qilgan. Bu haqda jurnalist Kristian Falk o‘z saytida xabar bermoqda.

Manbaning xabariga ko‘ra, ushbu yozda Barkolani sotib olish «Bavariya» uchun juda qimmatlik qiladi. Biroq mersisaydliklarda uni transfer qilish uchun yetarli mablag‘ mavjud. Qayd etilishicha, agar 23 yoshli futbolchi «PSJ»da yana bir mavsum qolsa, Myunxen klubi uni keyinroq sotib olishi mumkin. Vingerning amaldagi shartnomasi 2028 yilning yozida yakuniga yetadi.

Oldinroq OAVda «Liverpul» Barkola transferi uchun 100 million funt sterling (116,55 million yevro) to‘lashga tayyorligi haqida xabar berilgan edi.

O‘tgan mavsumda «PSJ» hujumchisi barcha musobaqalarda 49 ta o‘yinda maydonga tushib, 13 ta gol va 7 ta golli uzatmaga mualliflik qildi. Transfermarkt portali ma’lumotlariga ko‘ra, futbolchining bozor qiymati 90 million yevroni tashkil etadi.