Xabaringiz bor, ertaga jamoamiz Superliga 15-turidan o‘rin olgan bahsni o‘z maydonida “Xorazm” (Urganch)ga qarshi o‘tkazadi. Ma’lum muddatli tanaffusdan so‘ng, “lochinlar” Namangandagi qadrdon stadionga qaytishmoqda va joriy mavsumning ilk bellashuvini sevimli stadionda o‘tkazishadi. Bo‘lajak uchrashuvdan oldin jamoamizning 25 yoshli mahoratli yarim himoyachisi Ruslanbek Jiyanov bilan klub rasmiy sayti uchun qisqacha suhbat uyushtirdik.
— Bo‘lajak o‘yin borasidagi fikrlaringiz bilan o‘rtoqlashsangiz...
— Avvalo barchaga assalomu alaykum! Jamoamizning barcha muxlislarini sevimli hamda qadrdon stadionimizga qaytayotganligimiz bilan tabriklayman.Biz - futbolchilar ham bundan xursandmiz.Ishqibozlar bo‘lajak o‘yinda stadionni to‘ldirib, jamoamizni munosib tarzda qo‘llab-quvvatlashadi, degan umiddaman va bunga ishonaman.
— Bo‘lajak raqib – “Xorazm” borasida nima deya olasiz?
— Yaxshi jamoa. Biz urganchliklarning o‘yinlarini o‘rganib chiqdik va g‘alaba qozonish uchun barcha imkoniyatni ishga solib, inshoolloh, zafar quchamiz, deb o‘ylayman.
— Albatta, stadionni to‘ldirib o‘tirgan muxlislarning qo‘llab-quvvatlashlari bizga motivasiya beradi va bu o‘tgan turdagi Farg‘onada “Neftchi”ga qarshi bo‘lib o‘tgan “vodiy derbisi”da ham o‘z isbotini topdi. Buni har bir futbolchi his qilib turibdi.Kuchingiz qolmaganida, ishqibozlarning qo‘llab-quvvatlashlari ichki energiyani uyg‘otib yuboradi, menimcha. Xudo xohlasa, bo‘lajak o‘yinda yutuqqa erishib, g‘alabali seriyani boshlaymiz, degan umiddaman.
— Muxlislarga tilaklaringiz...
— Jamoamiz uchun doimo duoda bo‘lishsin. Katta maqsad yo‘lida birlashganmiz va buni amalga oshirish uchun qo‘limizdan kelganicha harakat qilamiz.
— Qatorasiga to‘rtta bellashuvni o‘z maydonimizda o‘tkazamiz va ishqibozlar dalda berib turishsa, o‘sha o‘yinlarda ijobiy natijalarni qayd etamiz, degan umiddaman.
Baxtimizga “Navbahor” muxlislari doimo sog‘-salomat bo‘lishsin.
“Navbahor” PFK matbuot xizmati.
