«Liverpul» yarim himoyachisi Dominik Soboslai «Lids»ga qarshi o‘tkazilgan o‘rtoqlik o‘yinidagi (2:4) jamoa o‘yini haqida o‘z fikrlari bilan o‘rtoqlashdi.

Andoni Iraola jamoasi 60-daqiqagacha 2:0 hisobida oldinda borayotgan edi, biroq keyingi 25 daqiqa ichida o‘z darvozasidan to‘rtta gol o‘tkazib yuborib, mag‘lubiyatga uchradi.

«Biz standart vaziyatlardan so‘ng ikkita gol o‘tkazib yubordik. Biz insonmiz, xato qilishimiz mumkin, ammo bunga reaksiya bildirishimiz kerak. Standart vaziyatlarga e’tibor qaratishimiz va ushbu muammoni to‘g‘rilashimiz shart», — dedi uchrashuvning 68-daqiqasigacha o‘ynagan vengriyalik futbolchi Anfield Sector nashriga bergan intervyusida.

Ilgariroq mavsumoldi tayyorgarlik jarayonida «qizillar» «Sanderlend» (4:2) va «Reksxem»ni (1:0) mag‘lub etgan edi. 9 avgust kuni mersisaydliklar «Monako»ga qarshi o‘rtoqlik uchrashuvi o‘tkazadi.