Londonning «Tottenxem» klubi Kodi Gakponing ehtimoliy transferi bo‘yicha «Liverpul» bilan muzokaralarni faollashtirishni rejalashtirmoqda.

Mersisaydliklar hujumchini transferga qo‘yishmagan, ammo bu «shporlar»ni cho‘chitayotgani yo‘q. «Tottenxem» Gakpo nomzodini Savinyo bilan bir qatorda ko‘rib chiqmoqda.

Fabrisio Romanoning xabar berishicha, klublar muzokara olib bormoqda, biroq «Liverpul» hozircha o‘z talablarini e’lon qilgani yo‘q. Gakponing bozor qiymati 60 million yevroni tashkil etadi.

Niderlandiyalik futbolchi 2023 yilning yozida PSVdan «Liverpul»ga 42 million yevro evaziga o‘tgan edi. APLdagi butun faoliyati davomida u 127 ta o‘yinda maydonga tushib, 32 ta gol urdi va 18 ta golli uzatmaga mualliflik qildi.

27 yoshli hujumchi PSV tarbiyalanuvchisi hisoblanadi va qadrdon klubi hamda «Liverpul»dan boshqa hech qayerda o‘ynamagan.