Лондоннинг «Тоттенхэм» клуби Коди Гакпонинг эҳтимолий трансфери бўйича «Ливерпуль» билан музокараларни фаоллаштиришни режалаштирмоқда.

Мерсисайдликлар ҳужумчини трансферга қўйишмаган, аммо бу «шпорлар»ни чўчитаётгани йўқ. «Тоттенхэм» Гакпо номзодини Савиньо билан бир қаторда кўриб чиқмоқда.

Фабрицио Романонинг хабар беришича, клублар музокара олиб бормоқда, бироқ «Ливерпуль» ҳозирча ўз талабларини эълон қилгани йўқ. Гакпонинг бозор қиймати 60 миллион еврони ташкил этади.

Нидерландиялик футболчи 2023 йилнинг ёзида ПСВдан «Ливерпуль»га 42 миллион евро эвазига ўтган эди. АПЛдаги бутун фаолияти давомида у 127 та ўйинда майдонга тушиб, 32 та гол урди ва 18 та голли узатмага муаллифлик қилди.

27 ёшли ҳужумчи ПСВ тарбияланувчиси ҳисобланади ва қадрдон клуби ҳамда «Ливерпуль»дан бошқа ҳеч қаерда ўйнамаган.