Hujumchi Gonsalo Garsiya va hujumkor yarim himoyachi Sesar Palasios «Real»dan «Fulxem»ga o‘tishga yaqin turibdi. Sky Sports xabariga ko‘ra, Garsiya va Palasios London klubi uchun allaqachon tibbiy ko‘rikdan o‘tishmoqda.
22 yoshli Garsiya va 21 yoshli Palasios uchun «Fulxem» umumiy hisobda taxminan 42,5 million funt sterling (34 + 8,5) to‘laydi. Yevroga o‘girganda bu taxminan 50 millionni tashkil qiladi.
Shuni ta’kidlash joizki, bu yozda «Fulxem»ni ilgari «Real»ning asosiy va yoshlar jamoasini boshqargan Alvaro Arbeloa o‘z nazoratiga oldi. Mutaxassis Garsiya va Palasiosning imkoniyatlarini juda yaxshi biladi.
