Ҳужумчи Гонсало Гарсия ва ҳужумкор ярим ҳимоячи Сесар Паласиос «Реал»дан «Фулхэм»га ўтишга яқин турибди. Sky Sports хабарига кўра, Гарсия ва Паласиос Лондон клуби учун аллақачон тиббий кўрикдан ўтишмоқда.

22 ёшли Гарсия ва 21 ёшли Паласиос учун «Фулхэм» умумий ҳисобда тахминан 42,5 миллион фунт стерлинг (34 + 8,5) тўлайди. Еврога ўгирганда бу тахминан 50 миллионни ташкил қилади.

Шуни таъкидлаш жоизки, бу ёзда «Фулхэм»ни илгари «Реал»нинг асосий ва ёшлар жамоасини бошқарган Альваро Арбелоа ўз назоратига олди. Мутахассис Гарсия ва Паласиоснинг имкониятларини жуда яхши билади.