Dortmundning «Borussiya» klubi Belgiyaning «Genk» jamoasi safida to‘p surgan 18 yoshli hujumkor yarim himoyachi Konstantinos Karesas bilan shartnoma imzolaganini rasman ma’lum qildi. Bu haqda nemis klubining rasmiy sayti matbuot xizmati xabar berdi.
Tomonlar 2031 yil yoziga qadar amal qiladigan besh yillik shartnoma imzoladi.
Karesas o‘tgan mavsum Belgiya chempionatida 34 ta uchrashuvda maydonga tushdi. U gol urmagan bo‘lsa-da, 11 ta golli uzatma muallifi bo‘ldi. Gresiya milliy jamoasi a’zosi Yevropa Ligasi-2025/2026 bahslarida esa 2 ta gol va 5 ta assist qayd etdi.
OAV ma’lumotlariga ko‘ra, Karesasning «Borussiya»ga transferi 30 million yevroni tashkil etgan. Avvalroq futbolchiga Italiyaning «Milan» klubi ham qiziqish bildirgani haqida xabarlar tarqalgan.
