Дортмунднинг «Боруссия» клуби Бельгиянинг «Генк» жамоаси сафида тўп сурган 18 ёшли ҳужумкор ярим ҳимоячи Константинос Карецас билан шартнома имзолаганини расман маълум қилди. Бу ҳақда немис клубининг расмий сайти матбуот хизмати хабар берди.

Томонлар 2031 йил ёзига қадар амал қиладиган беш йиллик шартнома имзолади.

Карецас ўтган мавсум Бельгия чемпионатида 34 та учрашувда майдонга тушди. У гол урмаган бўлса-да, 11 та голли узатма муаллифи бўлди. Греция миллий жамоаси аъзоси Европа Лигаси-2025/2026 баҳсларида эса 2 та гол ва 5 та ассист қайд этди.

ОАВ маълумотларига кўра, Карецаснинг «Боруссия»га трансфери 30 миллион еврони ташкил этган. Аввалроқ футболчига Италиянинг «Милан» клуби ҳам қизиқиш билдиргани ҳақида хабарлар тарқалган.