«Real»ning yangi bosh murabbiyi Joze Mourinyo «Manchester Siti» yarim himoyachisi Rodrini sotib olishni talab qilmoqda. Sport.es nashrining xabar berishicha, madridliklarning transfer bozoridagi faol harakatlariga qaramay, portugaliyalik mutaxassis aynan Ispaniya terma jamoasi tayanch yarim himoyachisining transferini kutishda davom etmoqda.
Mourinyo Rodrida maydondagi sifatli o‘yinni shakllantiruvchi va «tizim hosil qiluvchi futbolchi»ni ko‘rmoqda. Manba ma’lumotlariga ko‘ra, muzokaralar davom etmoqda, «Manchester Siti» esa «Real»ni futbolchi uchun katta mablag‘ to‘lashga majbur qilmoqchi.
Avvalroq «Real» himoyachilar Ibraima Konate, Denzel Dumfris, Mark Kukurelya, yarim himoyachi Bernardu Silva hamda hujumchi Karlos Espining transferlarini e’lon qilgan edi. Yaqin kunlarda «RB Leypsig» vingeri Yan Diomande bilan ham bitim yakuniga yetkazilishi kutilmoqda.
