«Реал»нинг янги бош мураббийи Жозе Моуриньо «Манчестер Сити» ярим ҳимоячиси Родрини сотиб олишни талаб қилмоқда. Sport.es нашрининг хабар беришича, мадридликларнинг трансфер бозоридаги фаол ҳаракатларига қарамай, португалиялик мутахассис айнан Испания терма жамоаси таянч ярим ҳимоячисининг трансферини кутишда давом этмоқда.

Моуриньо Родрида майдондаги сифатли ўйинни шакллантирувчи ва «тизим ҳосил қилувчи футболчи»ни кўрмоқда. Манба маълумотларига кўра, музокаралар давом этмоқда, «Манчестер Сити» эса «Реал»ни футболчи учун катта маблағ тўлашга мажбур қилмоқчи.

Аввалроқ «Реал» ҳимоячилар Ибраима Конате, Дензел Думфрис, Марк Кукурелья, ярим ҳимоячи Бернарду Силва ҳамда ҳужумчи Карлос Эспининг трансферларини эълон қилган эди. Яқин кунларда «РБ Лейпциг» вингери Ян Диоманде билан ҳам битим якунига етказилиши кутилмоқда.