«Chelsi»ning yangi a’zosi Jordan Xenderson London klubiga o‘tishi bo‘yicha o‘z munosabatini bildirdi.

«Klubning masshtabi, men chin dildan hayratlanadigan bosh murabbiy va futbolchilarning darajasini hisobga olsak, men bunday imkoniyatni qo‘ldan boy bera olmasdim. Shuningdek, rahbariyatning «Chelsi» muvaffaqiyatga erishishini va to‘g‘ri yo‘nalishda rivojlanishini qanchalik xohlayotgani menda katta taassurot qoldirdi. O‘z navbatida, men jamoaga va jamoadoshlarimga yordam berish uchun maydonda ham, maydondan tashqarida ham har kuni bor kuchimni beraman», — dedi Xendersonning so‘zlarini keltirgan klub matbuot xizmati.

3 avgust kuni «Chelsi» 36 yoshli yarim himoyachi bilan shartnoma imzolanganini e’lon qilgan edi. Tomonlar ikki mavsumga mo‘ljallangan kelishuvga qo‘l qo‘yishdi.